شىمكەنتتە وتكەن كونسەرتىندە ايگىلى ءانشى قايرات نۇرتاس ءوزىنىڭ سىرت كيىمىن كىشكەنتاي جانكۇيەرىنە سىيلادى. مۇنداي سىيلىقتى العان بالانىڭ قۋانىشىندا شەك جوق ەكەندىگىن YouTube جەلىسىنە شىققان بەينەجازبادان بايقاۋعا بولادى. بۇل تۋرالى Qamshy.kz اقپارات اگەنتتىگى جازادى.

بەلگىلى ءانشى ادەتتەگى ءداستۇر بويىنشا ءوزىننىڭ ءبىر زاتىن حالىققا سىيلاۋدى ادەتكە اينالدىرعان. بۇل جولى سىيلىققا يە بولعان كىپ-كىشكەنتاي جانكۇيەر ءانشىنىڭ بۇل ارەكەتىنەن شاتتىققا بولەندى. قاتتى قۋانعانى سونشالىق، بالا قايرات نۇرتاستى بار ىقىلاسىمەن قۇشاقتاپ الدى. بەينەجازباعا قاراساق، كىشكەنتاي جانكۇيەر انشىدەن مۇنداي سىيلىق كۇتپەگەن.

جەلى قولدانۋشىلارى ءانشىنىڭ مارتتىگىنە ءدان ريزا. بەينەجازبا استىنا جازىلعان جاقسى پىكىرلەر وتە كوپ، ولار قايرات نۇرتاس وتە مەيىرىمدى جانە جانى جاقسىلىققا قۇمار ادام دەپ جاتىر.

ەسكە سالا كەتەيىك، قايرات نۇرتاستىڭ ءوز كيىمىن جانكۇيەرلەرىنە بەرۋى ءبىرىنشى رەت ەمەس. ونىڭ الدىندا ءانشىنىڭ كۇرتەشەسى سەمەيدىڭ ەرەكشە تۇرعىنى، ارباعا تاڭىلعان جانكۇيەرىنە تابىستالعان ەدى. وعان قوسا، كۇرتەشەنى يەلەنگەن ادامدار ونى ساتىلىمعا شىعارىپ جاتقان كەزدەر دە بولعان. ساتىپ الۋشىلاردىڭ ءبىرى ونى 560 مىڭعا باعالاعان بولاتىن. ال تامىز ايىندا قوستانايدا وتكەن كونسەرتتە جۇرتقا لاقتىرىلعان قايراتتىڭ كۇرتەشەسىن جينالعاندار جىرتىپ تاستاعان ەدى.